«Райо Валекано»нинг ўнг қанот ҳимоячиси Андрей Рациу фаолиятини «Ливерпул»да давом эттириши мумкин. Бу ҳақда Fussballdaten хабар бермоқда.
Манба маълумотига кўр, руминиялик 28 ёшли футболчининг Мадрид клуби билан шартномасида 25 миллион евро миқдорида товон пули белгиланган, аммо «Ливерпул» нархни 20 миллионгача туширмоқчи.
Шунингдек, ҳимоячига «Барселона» ҳам қизиқмоқда, бу ҳақда баҳордаёқ хабар берилган эди.
Ўтган мавсумда Рациу барча турнирларда 50 та ўйинда майдонга тушиб, битта гол урди ҳамда тўртта голли узатмага муаллиф бўлди.
Рациунинг «Райо Валекано» билан амалдаги меҳнат шартномаси 2030 йилнинг ўрталарига қадар мўлжалланган.
