«Вест Ҳэм» вингери Жаррод Боуэн фаолиятини «Астон Вилла»да давом эттириши мумкин. Бу ҳақда The Athletic нашри хабар берди.
Манбага кўра, клублар ўртасида музокаралар ҳозирча бўлмаган. Шунга қарамай, бирмингҳэмликлар бош мураббийи Унаи Эмери англиялик 29 ёшли футболчини ўз жамоасида кўришни истайди.
Шу билан бирга, «болғачилар» Чемпионшипга тушиб кетганига қарамай, ўз етакчисини қўйиб юбормоқчи эмас.
Ўтган мавсумда Боуэн барча турнирларда 42 та ўйин ўтказиб, уларда 11 та гол урди ҳамда 12 та голли узатмани амалга оширди.
«Астон Вилла» эса ўтган мавсумда АПЛда тўртинчи ўринни эгаллади. Шунингдек, жамоа Европа лигасида ғолиб чиқди.
