«Боруссия Д» яримҳимоячиси Феликс Нмеча фаолиятини Англия Премер-лигасида давом эттириш мумкин. Бу ҳақда журналист Грэм Бэйли хабар берди.
Манбага кўра, «Ливерпул» клуби ҳам германиялик 25 ёшли футболчи учун курашга қўшилган.
Хабар қилинишича, «арилар» Нмечани 120 миллион евро эвазига қўйиб юборишга тайёр.
Шунингдек, яримҳимоячига «Реал», «Манчестер Сити», «Челси» ва «Манчестер Юнайтед» ҳам қизиқиш билдирмоқда.
Ўтган клуб мавсумида Феликс барча турнирлар ҳисобга олинганда 42 та учрашувда майдонга тушиб, бешта гол урди ва учта голли узатмани амалга оширди.
Transfermarkt мутахассислари футболчининг нархини 50 миллион еврога баҳоламоқда.
