Англия миллий жамоасининг собиқ футболчиси Крис Уодд «Ливерпул» ҳимоячи Виржил ван Дейкка муносиб ўринбосар излаши керак деб ҳисоблайди.
«Виржил ван Дейк ёш эмас, шундай эмасми? «Ливерпул»га унинг ўрнини боса оладиган футболчи керак. Очиғини айтганда, ўтган мавсумда «Ливерпул»нинг энг заиф бўғини айнан марказий ҳимоя эди.
Клуб ван де Венга эътибор қаратиши керак деб ўйлайман, чунки у жуда тезкор ва кучли футболчи. У – сифатли марказий ҳимоячи. Тўғри, унинг сон мушакларида тез-тез жароҳатлар бўлиб туради, лекин агар у спорт формасида бўлса, клублар унга катта қизиқиш билдиради. Агар «Ливерпул» яна чемпион бўлишни истаса, уни алмаштириши керак», — дея Уодднинг сўзларини келтирмоқда Tribal Football.
