«Ноттингҳэм Форест» марказий яримҳимоячи Кертис Жонсни ўз сафига қўшиб олиш имкониятини кўриб чиқмоқда.
Журналист Бен Жейкобс хабарига кўра, «ўрмончилар» Эллиот Андерсоннинг «Манчестер Сити»га ўтиши кутилаётгани сабаб унинг ўрнига янги яримҳимоячи изламоқда. Номзодлар рўйхатидан 25 ёшли «Ливерпул» футболчиси Кертис Жонс ҳам ўрин олган.
Аввалроқ Жонсга Миланнинг «Интер» клуби ҳам қизиқиш билдираётгани ҳақида хабарлар тарқалганди. Бироқ «Ливерпул» италияликларнинг икки таклифини ҳам рад этган.
Ўтган мавсум Кертис Жонс барча мусобақаларда 49 та баҳсда майдонга тушиб, 3 та гол ва 3 та голли узатмага муаллифлик қилган.
