Хорватия миллий жамоаси бош мураббийи Златко Далич Португалияга қарши ЖЧ-2026нинг 1/16 финалидан ўрин олган баҳс ҳақида фикр билдирди.
«Айниқса, иккинчи бўлимда яхшироқ ўйнадик. Кўплаб вазиятлар яратдик, устунлик қилдик, бироқ икки бор гол ўтказиб юбордик.
Ҳис-туйғулар жунбушга келмоқда. Нолийдиган жойим йўқ – йигитлар курашишди, ҳаракат қилишди, аммо мағлуб бўлдик.
Бизда иккинчи голни уриш учун кўплаб яхши имкониятлар бўлганди. Ҳозир буни ҳазм қилиш қийин. Биз жаҳон чемпионатидан чиқиб кетишга лойиқ эмасдик, Португалия билан тенгма-тенг ўйин кўрсатдик», — дея Даличнинг сўзларидан келтиради FIFA расмий сайти.
