Таиландда ўтаётган U20 ёш тоифасидаги спорт курашлари бўйича Осиё чемпионатида эркин кураш баҳслари якунланди.
Мусобақада Ўзбекистон миллий жамоаси ҳисобига 1 та олтин ва 1 та бронза медал ёзилди. -57 кг вазн тоифасида гиламга чиққан Улуғбек Рашидов барча рақибларини мағлуб этиб, кетма-кет яна бир бор Осиё чемпионига айланди.
Шунингдек, -65 кг вазн тоифасида иштирок этган Санжарбек Анварбеков бронза медалини қўлга киритди.
Маълумот учун, U20 Осиё чемпионати Таиландда бўлиб ўтмоқда ва мусобақада қитъанинг энг кучли ёш полвонлари иштирок этмоқда.
