Португалия миллий жамоаси сардори Криштиану Роналду ва Аргентина миллий жамоаси етакчиси Лионел Месси 2025/26 йилги мавсум якунларига кўра «Олтин тўп» совринини қўлга киритиши мумкин.
Мукофот ташкилотчиларининг эслатишича, 2007 йилдан буён «Олтин тўп» учун номзод бўлишда футболчининг қайси мамлакат ёки қайси чемпионатда тўп суриши бўйича ҳеч қандай чеклов мавжуд эмас.
Дастлаб ушбу соврин фақат европалик футболчиларга топширилган. 1995 йилдан бошлаб фуқаролигидан қатъи назар, Европа чемпионатларида ўйнаётган барча футболчилар мукофот учун даъвогарлик қила бошлаган. 2007 йилдан эса бу талаб ҳам бекор қилиниб, дунёнинг исталган клубида тўп сураётган футболчилар «Олтин тўп»ни қўлга киритиш имконига эга бўлди.
Эслатиб ўтамиз, ушбу қоида жорий этилганидан бери Европадан ташқарида ўйнаб туриб «Олтин тўп»ни қўлга киритган ягона футболчи Лионел Месси ҳисобланади. Бироқ у мукофотни 2022 йилги жаҳон чемпионати ва «ПСЖ»даги ўйинлари учун олган, «Интер Майaми»даги фаолияти бу ҳисобга киритилмаган.
Маълумот учун, 2026 йилги «Олтин тўп» ғолиби 26 октябр куни Лондонда бўлиб ўтадиган тантанали маросимда эълон қилинади.
