Португалия миллий жамоаси ҳужумчиси Криштиану Роналду ЖЧ-2026 1/8 финалида Испанияга қарши учрашув олдидан ўзига қаратилаётган танқидлар ва хейтерлар ҳақида фикр билдирди.
«23 йилдан бери мени «йўқ қилишга» уринишмоқда. Аммо улар бунинг фойдаси йўқлигини тушуниб етишди. Шунга қарамай, яна ва яна уриниб кўришмоқда. Бироқ бунинг ҳеч қандай маъноси йўқ.
Кимдир мени яхши кўради, кимдир йўқ. Мен бунга аллақачон ўрганиб қолганман, бу ишимизнинг бир қисми.
Менинг мурожаатим доимо ёнимда бўлган инсонларга. Улар ҳеч қачон мени ёлғиз қолдиришмайди. Қолган ҳамма нарса эса шунчаки шовқин ва мен учун ҳеч қандай аҳамиятга эга эмас», — деди Роналду АS нашрига.
Эслатиб ўтамиз, Португалия ЖЧ-2026 1/16 финалида Хорватияни 2:1 ҳисобида мағлуб этиб, кейинги босқичга йўл олганди.
Маълумот учун, португаллар 6 июл куни ЖЧ-2026 1/8 финалида Испания миллий жамоасига қарши майдонга тушади.
