ФИФА Интизом қўмитаси АҚШ миллий жамоаси ҳужумчиси Фоларин Балогуннинг бир ўйинлик автоматик дисквалификациясини вақтинча тўхтатиб туриш ҳақида қарор қабул қилди.
Шу тариқа, 24 ёшли ҳужумчи ЖЧ-2026 1/8 финалида Белгия миллий жамоасига қарши учрашувда майдонга тушиш ҳуқуқига эга бўлди.
ФИФА расмий баёнотида шундай дейилади:
«Интизом кодексининг 27-моддасига мувофиқ, АҚШ миллий жамоаси футболчиси Фоларин Балогунга нисбатан қўлланган автоматик дисквалификация ижроси бир йил муддатга синов тариқасида тўхтатиб турилди».
Эслатиб ўтамиз, Балогун ЖЧ-2026 1/16 финалида Босния ва Ҳерсеговина миллий жамоасига қарши баҳсда (2:0) қизил карточка олганди. Аввалроқ ОАВда у Тарик Муҳаремовичнинг тўпиғига тепган вазият учун бир неча ўйинга четлатилиши мумкинлиги ҳақида хабарлар тарқалган эди.
Маълумот учун, АҚШ — Белгия учрашуви 7 июл куни ЖЧ-2026 1/8 финали доирасида бўлиб ўтади. Ғолиб жамоа чоракфинал йўлланмасини қўлга киритади.
