2026 йилги жаҳон чемпионати 1/16 финал босқичида АҚШ миллий жамоаси Босния ва Ҳерцеговинага қарши майдонга тушди.
Учрашувнинг 45-дақиқасида америкаликлар ҳужумчиси Фоларин Балогун ҳисобни очди. Шу тариқа, АҚШ миллий жамоаси 2026 йилги жаҳон чемпионатида кетма-кет тўртинчи ўйинда биринчи бўлимнинг ўзида гол уришга эришди. Бу жамоа тарихидаги янги рекорд ҳисобланади.
Эътиборлиси, иккинчи бўлим ўрталарида Балогун қўпол ҳаракати учун қизил карточка олиб, майдондан четлатилди. 80-дақиқада эса Малик Тиллман жарима зарбасини аниқ амалга ошириб, ҳисобни якуний 2:0 кўринишига келтирди.
Ушбу ғалаба орқали АҚШ миллий жамоаси 2026 йилги жаҳон чемпионатининг 1/8 финал босқичига йўл олди. Америкаликлар кейинги босқичда Белгия миллий жамоасига қарши баҳс олиб боради.
