Португалия миллий жамоаси ҳужумчиси Криштиану Роналду ЖЧ-2026 1/8 финалида Испанияга қарши учрашув олдидан миллий жамоадаги фаолиятини қачон якунлаши ҳақидаги саволга жавоб берди.
«18 ёшимда миллий жамоага келганимдан бери ҳеч нарса ўзгармади ва бундан кейин ҳам ўзгармайди. Мен доимо шу ерда бўламан — қалбан ҳам, таним билан ҳам. Ўйнайманми ёки йўқми, барибир жамоада муҳим ўрним бўлади.
Бир неча йил аввал айтганимдек, фаолиятимни ўзим истаган пайтда якунлайман. Бошқалар хоҳлаган вақтда эмас. Шу саволни қайта-қайта беришнинг маъноси йўқ. Мен бунга ортиқча эътибор қаратишни истамайман. Энг муҳими — эртага яхши ўйнаш ва кейинги босқичга чиқиш», — деди Роналду.
Эслатиб ўтамиз, Португалия ЖЧ-2026 1/8 финалида Испанияга қарши майдонга тушади.
Маълумот учун, ушбу учрашув 6 июл куни бўлиб ўтади. Ғолиб жамоа жаҳон чемпионатининг чоракфинал босқичига йўл олади.
