«Милан» вингери Рафаел Леау ёзги трансфер ойнасида клубини ўзгартириши мумкин.
La Gazzetta dello Sport хабарига кўра, ҳозирда 26 ёшли футболчи учун «Манчестер Юнайтед», «Тоттенҳэм» ҳамда Саудия Арабистонининг бир неча клублари кураш олиб бормоқда. Манбага кўра, «Милан» Леауни 60 миллион евро эвазига қўйиб юборишга тайёр.
Шунингдек, аввалроқ «Барселона» ҳам португалиялик футболчига қизиқиш билдирган, бироқ каталонияликлар «Нюкасл»дан Энтони Гордонни сотиб олганидан сўнг бу трансфер вариантидан воз кечган.
Эслатиб ўтамиз, Рафаел Леау 2019 йилдан буён «Милан» шарафини ҳимоя қилиб келмоқда ва клуб билан А Серия чемпионлигини ҳам қўлга киритган.
Маълумот учун, Леау 2025/26 йилги мавсумда барча мусобақаларда 31 та учрашувда майдонга тушиб, 10 та гол урди ва 3 та голли узатмага муаллифлик қилди.
