«Челси» яримҳимоячиси Энцо Фернандеснинг қиз ўртоғи Валентина Сервантес футболчининг Мадриднинг «Реал» клубига ўтиши ҳақидаги миш-мишларга муносабат билдирди.
«Йўқ, аслида, ҳаммаси яхши. Ўғлим Англияда туғилди. Ўша ерда мактабга боради, шу сабабли мен жуда ҳам хурсандман. Исталган жамоа менга маъқул. Қандай жамоа бўлишидан қатъи назар, ҳаммаси яхши бўлади», — дея Сервантеснинг сўзларидан иқтибос келтиради El Chiringuito.
Эслатиб ўтамиз, аввалроқ Фернандеснинг агенти Хавер Пасторе футболчининг Лондон клубидан кетиши эҳтимоли ҳақида гапирганди ва Мадрид жозибали йўналиш эканлигини таъкидлаганди.
