«Барселона» ва Испания миллий жамоаси яримҳимоячиси Педри «Олтин тўп»ни қўлга киритиш орзуси борлигини тан олди.
«Ҳар бир футболчи «Олтин тўп»ни ютишни орзу қилади. Футбол билан шуғулланадиган ҳар қандай инсон шундай мукофотни қўлга киритишни истайди.
Бу индивидуал соврин, мен эса жамоавий ютуқларни кўпроқ қадрлайман. Аммо ишончим комилки, миллий жамоадаги исталган футболчидан сўрасангиз, у ҳам «Олтин тўп»ни ютишни хоҳлашини айтади. Тўғри, бизда бундай соврин соҳиби аллақачон бор», — деди Педри кулиб.
Эслатиб ўтамиз, Педри 2021 йилда Европанинг энг иқтидорли ёш футболчисига топшириладиган «Голден Бой» мукофотини қўлга киритган эди.
Маълумот учун, 2026 йилги «Олтин тўп»ни топшириш маросими 26 октябр куни Лондонда бўлиб ўтади.
