АҚШ президенти Доналд Трамп АҚШ миллий жамоаси ҳужумчиси Фоларин Балогуннинг дисквалификацияси вақтинча тўхтатилгани учун ФИФАга миннатдорлик билдирди.
«Тўғри қарор қабул қилиб, катта адолатсизликни бартараф этгани учун ФИФАга раҳмат!» — деб ёзди Трамп ўзининг Truth Social ижтимоий тармоғидаги саҳифасида.
Эслатиб ўтамиз, аввалроқ ФИФА Интизом қўмитаси Балогуннинг Босния ва Ҳерцеговина миллий жамоасига қарши ЖЧ-2026 1/16 финал баҳсида (2:0) олган қизил карточкаси сабаб белгиланган бир ўйинлик автоматик дисквалификацияни бир йил муддатга синов тариқасида тўхтатиб турганди.
Маълумот учун, ушбу қарор туфайли Фоларин Балогун 7 июл куни Белгия миллий жамоасига қарши бўлиб ўтадиган ЖЧ-2026 1/8 финал учрашувида майдонга тушиш имкониятига эга бўлади.
