Italiya milliy jamoasi bosh murabbiyi Roberto Manchini Millatlar ligasi 5-turi doirasida Fransiyaga qarshi kechadigan bahs oldidan Kilian Mbappening ushbu bellashuvda ishtirok eta olmasligi haqidagi xabarga munosabat bildirdi.
«Men Mbappega tavakkal qilmaslikni maslahat bergan bo‘lardim. Chunki oldinda Chempionlar ligasi bahslari bor va u yaxshilab tiklanib olishi kerak. Biroq Fransiyada kuchli hujumchilar juda ko‘p, shu sababli bu unchalik katta muammo emas», — deya Manchinining so‘zlarini Janluka Di Martsio keltirmoqda.
Ma’lumot uchun, Italiya va Fransiya o‘rtasidagi bahs 12 noyabr kuni Milandagi «San-Siro» stadionida bo‘lib o‘tadi. Bellashuv Toshkent vaqti bilan 13 noyabrga o‘tar kechasi soat 00:45 da boshlanadi.
Eslatib o‘tamiz, ushbu bahs Millatlar ligasi A ligasi 1-guruhining 5-turi doirasida o‘tkaziladi.
