Chempionlar ligasi umumiy bosqichining 4-turida «Komo» safarda «Lans»ni 9:1 hisobida mag‘lub etdi. Italiyaliklar safida Anastasios Duvikas het-trik qayd etdi.
La Stampa nashrining yozishicha, gretsiyalik hujumchi Turinning «Yuventus» klubi afsonasi Alessandro Del Pyero erishgan tarixiy natijani takrorladi. Duvikas Chempionlar ligasi tarixida bir jamoa safidagi dastlabki to‘rtta o‘yinining har birida gol urgan ikkinchi futbolchiga aylandi.
Hozirda Anastasios musobaqa to‘purarlari poygasida olti gol bilan yetakchilik qilmoqda.
Ma’lumot uchun, «Komo»ga Sesk Fabregas murabbiylik qilmoqda. Jamoa Chempionlar ligasining navbatdagi bahsida o‘z maydonida Gretsiyaning AEK klubini qabul qiladi.
Eslatib o‘tamiz, «Komo» «Lans» ustidan 9:1 hisobida g‘alaba qozonib, Yevrokuboklar tarixida top-5 chempionat klublari orasida safarda bunday yirik hisob qayd etgan jamoalardan biri bo‘ldi.
