Myunxenning «Bavariya» klubi hujumchi Garri Keyn bilan yangi shartnoma imzolanganini rasman ma’lum qildi.
33 yoshli angliyalik futbolchining yangi kelishuvi 2029 yilning 30 iyuniga qadar amal qiladi.
Qayd etish lozim, Keyn 2023 yilda «Tottenhem»dan 95 million yevro evaziga «Bavariya»ga ko‘chib o‘tgan edi. O‘shandan buyon u myunxenliklar hujumining asosiy yetakchilaridan biriga aylandi.
Hujumchi Germaniya klubi safida barcha musobaqalar doirasida 161 uchrashuv o‘tkazib, 156 gol urdi va 41 golga uzatma amalga oshirdi.
Shuningdek, Garri «Bavariya» bilan ikki marta Bundesliga g‘olibi bo‘lgan. Bundan tashqari, u Germaniya kubogi va ikki marta mamlakat Superkubogini qo‘lga kiritgan.
Qolaversa, angliyalik futbolchi 2026 yilda faoliyatida ilk bor «Oltin to‘p» mukofotiga sazovor bo‘ldi. Avvalroq Keyn «Oltin to‘p»ni Chempionlar Ligasi kubogiga almashtirishga tayyor ekani ma’lum qilingandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi