Londonning «Chelsi» klubi hujumchisi Estevao Vilianga Yevropaning bir nechta yetakchi jamoalari da’vogarlik qilmoqda. Insayder Ekrem Konurning ijtimoiy tarmoqlarda xabar berishicha, braziliyalik futbolchining o‘yinlarini «Bavariya», «PSJ» va «Barselona» vakillari kuzatmoqda.
Ushbu klublar «Stemford Brij»da to‘p tepayotgan iqtidorli hujumchining rivojlanishini diqqat bilan kuzatib bormoqda. Hozircha jamoalarning rasmiy takliflari haqida ma’lumot yo‘q.
19 yoshli Estevao 2025 yil yozidan buyon «Chelsi» sharafini himoya qilmoqda. Uning London klubi bilan amaldagi shartnomasi 2033 yil iyun oyi oxirigacha mo‘ljallangan.
Ma’lumot uchun, Transfermarkt portali braziliyalik futbolchining bozor qiymatini 80 million yevroga baholamoqda.
Eslatib o‘tamiz, Estevao «Chelsi»ga 2025 yil yozida qo‘shilgan va hozirda klubning uzoq muddatli loyihalaridan biri hisoblanadi.
