Chempionlar ligasi umumiy bosqichining 4-turida «Barselona» o‘z maydonida «Aston Villa»ni 3:0 hisobida mag‘lub etdi. Ushbu bellashuv kataloniyaliklar hujumkor yarimhimoyachisi Fermin Lopes uchun klubning asosiy jamoasi safidagi 150-o‘yin bo‘ldi.
«Barselona» akademiyasi tarbiyalanuvchisi debyutidan buyon barcha musobaqalarda 150 ta bahsda qatnashib, 38 ta gol urdi va 35 ta golli uzatmani amalga oshirdi.
23 yoshli futbolchining kataloniyaliklar bilan amaldagi shartnomasi 2031 yilgacha mo‘ljallangan. Transfermarkt portali uning bozor qiymatini 110 million yevroga baholamoqda.
Ma’lumot uchun, Lopes «Barselona» akademiyasi tarbiyalanuvchisi hisoblanadi va asosiy jamoaga o‘z mehnati orqali kirib kelgan.
Eslatib o‘tamiz, «Barselona» navbatdagi bahsini 8 noyabr kuni La Liga 12-turi doirasida safarda «Atletiko»ga qarshi o‘tkazadi. Bellashuv Toshkent vaqti bilan 1:00 da boshlanadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi