Taniqli britaniyalik jurnalist Pirs Morgan Krishtianu Ronalduning Portugaliya milliy jamoasidagi faoliyatini yakunlash qaroriga munosabat bildirdi. U futbolchining ijtimoiy tarmoqdagi sahifasida e’lon qilingan hissiyotlarga boy murojaatini alohida e’tirof etdi.
«Krishtianu Ronaldu milliy jamoadagi faoliyatini yakunlayotganini hissiyotlarga boy va samimiy videoda e’lon qildi. U milliy jamoa safida hammadan ko‘p — 234 ta bahsda maydonga tushgan. Eng ko‘p — 146 ta gol urgan. Portugaliyaga uning tarixidagi uchta yirik sovrinni olib kelgan. U tarixdagi eng buyuk futbolchi. Tabriklayman», — deb yozdi Morgan ijtimoiy tarmoqdagi sahifalarida.
Ma’lumot uchun, Ronaldu Portugaliya milliy jamoasidagi faoliyatini 2003-yilda boshlagan. U jamoa bilan 2016-yilgi Yevropa chempionati va ikki bor Millatlar ligasida g‘olib chiqqan.
Eslatib o‘tamiz, 41 yoshli hujumchi 5-noyabr kuni milliy jamoadagi faoliyatini yakunlaganini e’lon qildi.
