«Real» yarimhimoyachisi Jud Bellinghem Chempionlar ligasi umumiy bosqichining 4-turida AEKga qarshi bahsda maydonga tushdi. Angliyalik futbolchi ushbu bellashuvda gol urishga ham muvaffaq bo‘ldi, Madrid klubi esa 3:2 hisobida g‘alaba qozondi.
Madrid Xtra xabariga ko‘ra, bu Bellinghem uchun Chempionlar ligasidagi 60-o‘yin bo‘ldi. U ushbu natijaga 23 yosh-u 128 kunligida erishdi va musobaqa tarixida 60 ta bahs o‘tkazgan eng yosh futbolchiga aylandi.
Shu tariqa, yarimhimoyachi «Real»ning sobiq darvozaboni Iker Kasilyasga tegishli rekordni yangiladi.
Ma’lumot uchun, «Real» 4-turdan so‘ng 12 ochko jamg‘argan va «PSJ» bilan birgalikda umumiy bosqich turnir jadvalida peshqadamlik qilmoqda.
Eslatib o‘tamiz, Bellinghem 2023 yildan buyon «Real» sharafini himoya qilib kelmoqda.
Muxlislar bu yangilikni Telegram’da muhokama qilmoqda
Izohlar Telegram’da ochiladi