Таниқли британиялик журналист Пирс Морган Криштиану Роналдунинг Португалия миллий жамоасидаги фаолиятини якунлаш қарорига муносабат билдирди. У футболчининг ижтимоий тармоқдаги саҳифасида эълон қилинган ҳиссиётларга бой мурожаатини алоҳида эътироф этди.
«Криштиану Роналду миллий жамоадаги фаолиятини якунлаётганини ҳиссиётларга бой ва самимий видеода эълон қилди. У миллий жамоа сафида ҳаммадан кўп — 234 та баҳсда майдонга тушган. Энг кўп — 146 та гол урган. Португалияга унинг тарихидаги учта йирик совринни олиб келган. У тарихдаги энг буюк футболчи. Табриклайман», — деб ёзди Морган ижтимоий тармоқдаги саҳифаларида.
Маълумот учун, Роналду Португалия миллий жамоасидаги фаолиятини 2003 йилда бошлаган. У жамоа билан 2016 йилги Европа чемпионати ва икки бор Миллатлар лигасида ғолиб чиққан.
Эслатиб ўтамиз, 41 ёшли ҳужумчи 5 ноябр куни миллий жамоадаги фаолиятини якунлаганини эълон қилди.
