«Манчестер Юнайтед» ҳужум чизиғини кучайтириш учун Айван Тоуни номзодини кўриб чиқмоқда. Инсайдер Экрем Конурнинг маълумотига кўра, ҳозирда Саудия Арабистонининг «Ал Аҳли» клубида ўйнаётган 30 ёшли ҳужумчи Англияга қайтиши мумкин.
Манбага кўра, «Манчестер Юнайтед» футболчини ижарага олиш вариантини ҳам кўриб чиқишга тайёр. Клуб ҳужум чизиғини кучайтириш учун тажрибали тўпурарга қизиқиш билдирмоқда.
Тонининг «Ал Аҳли» билан амалдаги шартномаси 2028 йилнинг ўрталарига қадар мўлжалланган. Унинг бозор қиймати 20 миллион еврога баҳоланмоқда.
Маълумот учун, Тоуни Саудия Арабистони чемпионатининг ушбу мавсумида тўққизта баҳсда майдонга тушиб, 12 та гол урган.
Эслатиб ўтамиз, ҳужумчи 2024 йилда «Ал Аҳли» сафига қўшилган ва шундан буён Саудия Арабистонида фаолият юритмоқда.
