Opta суперкомпютери Чемпионлар лигаси умумий босқичининг 4-туридан сўнг жамоаларнинг турнирда ғолиб чиқиш имкониятларини қайта ҳисоблаб чиқди. Оpta Аnalyst маълумотига кўра, «Арсенал» мусобақанинг асосий фаворити бўлиб турибди.
Лондон клубининг Чемпионлар лигасида ғолиб чиқиш эҳтимоли 22,56 фоизга баҳоланган. Кейинги ўринларда «Бавария» (17,74 фоиз), амалдаги ғолиб «ПСЖ» (12,09 фоиз), «Манчестер Сити» (10,49 фоиз) ва «Барселона» (9,80 фоиз) жойлашган.
Маълумот учун, умумий босқич турнир жадвалида «ПСЖ» 4-турдан кейин 12 очко билан пешқадамлик қилмоқда. Худди шунча очко Мадриднинг «Реал» клубида ҳам бор. «Арсенал» эса 10 очко билан учинчи поғонани эгаллаган.
Эслатиб ўтамиз, Оptа суперкомпютери прогнози статистик модел ҳисобланади ва мусобақанинг якуний натижасини кафолатламайди.
