Лондоннинг «Арсенал» клуби Чемпионлар Лигасининг умумий босқичида кетма-кет 16 та учрашувдан буён мағлубиятга учрамаяпти.
Микел Артета шогирдлари мусобақанинг 4-турида «Славия»ни меҳмонда 2:1 ҳисобида мағлуб этди. Жамоа бу мавсумда «Наполи» (1:0) ва «Лилл» (3:0) устидан ҳам ғалаба қозонган, «Бавария» (2:2) билан дуранг ўйнаган.
Ўтган мавсумда «тўпчилар» умумий босқичдаги барча 8 та учрашувда зафар қучган. Ундан аввалги мавсумда эса сўнгги тўртта баҳсда ғалаба қозонган.
Шу тариқа, «Арсенал»нинг мағлубиятсиз серияси 16 та ўйинга етди. Ушбу учрашувларда лондонликлар 44 та гол уриб, ўз дарвозасидан 9 та тўп олиб чиққан.
Жамоа ушбу босқичда сўнгги бор 2024 йил 6 ноябрда мағлуб бўлган. Ўшанда «Арсенал» Италиянинг «Интер» клубига 0:1 ҳисобида имкониятни бой берган эди.
«Славия»га қарши баҳсдан сўнг Артета жамоаси турнир жадвалида 10 очко билан 3-ўринга чиқди. Прагаликлар эса 1 очко тўплаб, 34-поғонадан жой олган.
