Londonning «Arsenal» klubi Chempionlar Ligasining umumiy bosqichida ketma-ket 16 ta uchrashuvdan buyon mag‘lubiyatga uchramayapti.
Mikel Arteta shogirdlari musobaqaning 4-turida «Slaviya»ni mehmonda 2:1 hisobida mag‘lub etdi. Jamoa bu mavsumda «Napoli» (1:0) va «Lill» (3:0) ustidan ham g‘alaba qozongan, «Bavariya» (2:2) bilan durang o‘ynagan.
O‘tgan mavsumda «to‘pchilar» umumiy bosqichdagi barcha 8 ta uchrashuvda g‘alaba qozongan. Undan avvalgi mavsumda esa so‘nggi to‘rtta bahsda zafar quchgan.
Shu tariqa, «Arsenal»ning mag‘lubiyatsiz seriyasi 16 ta o‘yinga yetdi. Ushbu uchrashuvlarda londonliklar 44 ta gol urib, o‘z darvozasidan 9 ta to‘p o‘tkazib yuborgan.
Jamoa ushbu bosqichda so‘nggi bor 2024-yil 6-noyabrda mag‘lub bo‘lgan. O‘shanda «Arsenal» Italiyaning «Inter» klubiga 0:1 hisobida imkoniyatni boy bergan edi.
«Slaviya»ga qarshi bahsdan so‘ng Arteta jamoasi turnir jadvalida 10 ochko bilan 3-o‘ringa ko‘tarildi. Pragaliklar esa 1 ochko jamg‘arib, 34-o‘rinni egallagan.
