«Реал» бош мураббийи Жозе Моуринио Чемпионлар Лигасининг 4-туридан ўрин олган АЕК устидан қозонилган 3:2 ҳисобидаги ғалабадан сўнг ўз фикрларини билдирди.
Мадридликларнинг ғалаба голини қўшимча дақиқаларда Федерико Валверде урди.
«Ҳисоб 2:2 бўлганида ҳам дурангга рози бўлмадик. Таваккал қилдик ва муҳим уч очкони қўлга киритдик. Энди асосий мақсад — ўтиш ўйинларисиз плей-оффга чиқиш», — деди Моуринио.
Мураббий АЕКнинг ҳаракатларини ҳам юқори баҳолади: «Рақиб илк дақиқалардан босим ўтказди, яккакурашларда устун келди ва ғалаба учун курашди. Улар фантастик ўйин намойиш этди».
Шунингдек, Моуринио Валвердега бўш ҳудудларга очилиб, ҳужумларни кучайтиришни тавсия қилганини айтди. Шу билан бирга, Жозе Винисиус яхши ўйнаганини, уни алмаштиришдан мақсад эса чап қанотга янги куч қўшиш бўлганини таъкидлади. У жамоасининг охиригача курашганидан мамнун эканини билдирди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади