«Арсенал» бош мураббийи Микел Артета Чемпионлар Лигасининг 4-турида «Славия» устидан қозонилган 2:1 ҳисобидаги ғалабага муносабат билдирди.
«Чемпионлар Лигасида меҳмондаги ғалабаларни доим қадрлаш керак. Бу ниҳоятда қийин.
Икки бўлим бир-биридан бутунлай фарқ қилди. Биринчи бўлимда 3-4 та гол уришимиз керак эди, аммо имкониятлардан фойдалана олмадик.
Иккинчи бўлим бошида эса ҳимояланишга мажбур бўлдик. Кўп хатолар қилдик ва тўпни тез-тез йўқотдик. Бу ўйиндан сабоқ олишимиз лозим.
6 та алмаштириш амалга оширдик. Футболчиларимизнинг салоҳиятини яхши биламиз. Нима етишмаганини аниқ айта олмайман, аммо яна шундай вазият бўлса, худди шу қарорларни қабул қилардим.
Жамоамизнинг ҳозиргача эришган натижаларини юқори баҳолайман. Биз аллақачон 11-сафар ўйинимизни ўтказдик», — деди Артета TNT Sports нашрига берган интервюсида.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади