Саудия Арабистонининг «Ан Наср» клуби ҳужумчиси Криштиану Роналду Португалия миллий жамоаси сафидаги фаолиятини якунлаганини эълон қилди.
«Португалия қалбимда абадий қолади», — деб ёзди футболчи ижтимоий тармоқларда.
Роналду Португалия миллий жамоасидаги дебютини 2003 йил 20 август куни Қозоғистонга қарши ўртоқлик баҳсида ўтказган. Ўшанда 18 ёшли ҳужумчи иккинчи бўлимда захирадан майдонга тушган.
У миллий жамоа сафида жами 234 та баҳсда қатнашиб, 146 та гол урган ва 45 та голли узатмани амалга оширган.
Маълумот учун, Роналду 2016 йилда Европа чемпионлигини қўлга киритган. Шунингдек, у Португалия билан икки марта — 2018/2019 ва 2024/2025 йилги мавсумларда УEФА Миллатлар лигаси ғолиби бўлган.
Эслатиб ўтамиз, Криштиану Роналду Португалия миллий жамоаси тарихидаги энг кўп ўйин ўтказган ва энг кўп гол урган футболчи ҳисобланади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади