«Милан» клуби ҳужумчиси Гонсалу Рамуш Португалия миллий жамоасининг асосий таркибидан жой олишга ҳақли эканини таъкидлади. Шунингдек, у жамоа сардори Криштиану Роналду билан биргаликда ҳужумда самарали ўйнай олишига ишонишини билдирди.
«Португалия миллий жамоасининг асосий таркибида майдонга тушишни хоҳлайман. Агар кимдир дастлабки дақиқалардан ўйнашга лойиқ бўлса, бу мен эканимни очиқ айтдим. Буни бош мураббий ҳам, бутун мамлакатимиз ҳам аниқ кўриб турибди.
Биз Криштианунинг юқори мақомини чексиз ҳурмат қиламиз. Аммо менимча, у билан майдонга биргаликда анча кўпроқ тушишимиз мумкин. Яхши спорт формам ва урган голларим Криштиануни таркибдан чиқариб ташламасдан ҳам менга ишонч билдирилиши билан тақдирланиши мумкин эди.
Роберто Мартинесдан хафа эмасман. Аммо амалда Евро-2024ни бой бердим. Грузияга қарши ҳеч қандай аҳамиятга эга бўлмаган баҳсда атиги 15 дақиқа ўйнадим. 2026 йилги жаҳон чемпионатида Хорватия дарвозасига гол урдим, бироқ шундан кейин деярли майдонга тушмадим. Ваҳоланки, жамоага катта фойда келтира олишимни биламан. Мен энди ҳеч қачон қайтариб бўлмайдиган иккита йирик турнирни қўлдан бой бердим», — дея Рамушнинг сўзларини А Bola нашри келтирмоқда.
Маълумот учун, Рамуш Португалия миллий жамоаси сафида Евро-2024 ва 2026 йилги жаҳон чемпионатида иштирок этган.
