Манише: «Роналду 1000 та гол ургач, фаолиятини якунлайди»

Нуну Манише Криштиану Роналдунинг келажакдаги режалари ҳақида гапирди.

«Криштиану фаолиятини 1000 та голлик марра етганида якунлайди. У бу натижага эришишига ҳеч қандай шубҳа йўқ.

Агар у ушбу маррага етиб, ўғли билан бир жамоада ўйнашга ҳам улгурса, бу унинг фаолияти учун мукаммал якуний нуқта бўларди», — деди Португалия миллий жамоасининг собиқ яримҳимоячиси.

41 ёшли Роналду ҳозирда «Ан Наср» клубида тўп тепмоқда. Унинг ўғли эса шу клубнинг U-17, яъни 17 ёшгача бўлган футболчилар жамоасида ўйнайди. Ҳозирда Криштианунинг ҳисобида 982 та гол бор.