Manishe: «Ronaldu 1000 ta gol urgach, faoliyatini yakunlaydi»

Nunu Manishe Krishtianu Ronalduning kelajakdagi rejalari haqida gapirdi.

«Krishtianu faoliyatini 1000 ta gollik marraga yetganida yakunlaydi. U bu natijaga erishishiga hech qanday shubha yo‘q.

Agar u ushbu marraga yetib, o‘g‘li bilan bir jamoada o‘ynashga ham ulgursa, bu uning faoliyati uchun mukammal yakuniy nuqta bo‘lardi», — dedi Portugaliya milliy jamoasining sobiq yarimhimoyachisi.

41 yoshli Ronaldu hozirda «An Nasr» klubida to‘p tepmoqda. Uning o‘g‘li esa shu klubning U-17, ya’ni 17 yoshgacha bo‘lgan futbolchilar jamoasida o‘ynaydi. Hozirda Krishtianuning hisobida 982 ta gol bor.