Нидерландия миллий жамоасининг собиқ футболчиси Дирк Куйт Туркиянинг «Фенербаҳче» клубининг вақтинчалик бош мураббийи этиб тайинланди. Бу ҳақда истанбулликларнинг расмий сайти хабар берди.
«Исмоил Картал кетганидан сўнг клубимиз янги бош мураббий топгунига қадар Дирк Куйтни асосий жамоа учун масъул этиб тайинлади», — дейилади клуб баёнотида.
46 ёшли Куйт 2026 йил июн ойида Исмоил Карталнинг мураббийлар штабига қўшилганди. У аввал Нидерландиянинг «Дордрехт», Белгиянинг «Беерсхот» клубларида ишлаган.
Дирк футболчилик фаолиятини 2017 йилда якунлаган. У «Фенербаҳче» сафида футболчи сифатида 2013/2014 йилги мавсумда Туркия чемпиони бўлган. Собиқ ҳужумчи «Ливерпул» ва «Фейеноорд» жамоаларидаги ўйинлари билан танилган.
Дирк Куйт — «Фенербаҳче»нинг вақтинчалик бош мураббийи
Футбол
28 октябр, 09:10
7
46 ёшли собиқ ҳужумчи бунгача жамоанинг мураббийлар штабида ёрдамчи эди.
Foto: Fenerbahce SK
Мухлислар бу янгиликни Telegram’да муҳокама қилмоқда
Изоҳлар Telegram’да очилади