Хитой давлат телерадиокомпанияси Испаниянинг Ла Лига чемпионати учрашувларини трансляция қилмаслигини тасдиқлади ва Килиан Мбаппе билан боғлиқ вазият юзасидан Мадриднинг «Реал» клуби берган изоҳларни қабул қилмади. Бу ҳақда Marca нашри хабар берди.
Аввалроқ Мбаппе интервюсида ўзига энг кулгили туюлган мем ҳақида гапирган эди. Унда футболчининг юзи хитойлик сиёсатчи Мао Цзэдун қиёфасига қўйилган бўлиб, Мбаппе уни «хитойлик диктатор» деб атаган.
Хитой марказий телевидениеси (CCTV) «Реал» клубидан узр сўрашни талаб қилмоқда ва буни кейинги музокараларни давом эттириш учун мажбурий шарт сифатида белгилаган.
Хитой Халқ Республикаси Ташқи ишлар вазирлиги Мбаппенинг шахсан билдирган узрларини эътиборга олганини маълум қилди. Бироқ мамлакатдаги турли ташкилотлар томонидан эълон қилинган бойкот бекор қилинадими-йўқми, бу ҳақда аниқлик киритмади.
Мбаппе сабаб Хитойда Ла Лига ўйинлари трансляцияси тўхтатилди
Футбол
28 октябр, 06:50
27
Хитой марказий телевидениеси «Реал»дан ҳам узр сўрашни талаб қилмоқда.
Foto: Getty Images
Мухлислар бу янгиликни Telegram’да муҳокама қилмоқда
Изоҳлар Telegram’да очилади