«Барселона» ҳимоячиси Жоау Канселу «Реал»га қарши мағлубиятдан сўнг учрашув ҳақидаги фикрлари билан ўртоқлашди.
«Менимча, биз яхшироқ ўйнадик, аммо бу — «Реал». Улар вазиятлар яратади ва гол уради. Умуман олганда, биз яхшироқ эдик. Энди тўғри хулоса чиқаришимиз керак. Олдинда «Алавес»га қарши ўйин бор», — дея Канселунинг сўзларини келтиради Marca нашри.
Эслатиб ўтамиз, Ла Лиганинг 10-турида «Барселона» ўз майдонида «Реал»га 1:2 ҳисобида мағлуб бўлди. Учрашувда Килиан Мбаппе дубл қайд этган бўлса, каталонияликлар сафида Рафиня рақиб дарвозасини ишғол қилди.
Маълумот ўрнида, 10 та учрашувдан сўнг «Барселона» 27 очко билан турнир жадвалида пешқадамлик қилмоқда. «Реал» эса 24 очко билан учинчи ўринда бормоқда.
