«Барселона» матбуот хизмати жамоа ҳимоячиси Хави Эспартнинг жароҳати хусусида маълумот берди.
Испания чемпионати 10-турида «Реал»га қарши кечган учрашувда (1:2) ўнг қанот ҳимоячиси тўқнашувдан кейин майдонни тарк этган. Эспарт 30-дақиқада алмаштирилганди.
Клуб баёнотида тиббий текширувлар футболчининг ўнг тўпиқ бўғими синдесмози жароҳатланганини тасдиқлагани айтилди. Жароҳат рақиб жамоа футболчиси билан тўқнашув оқибатида юзага келган.
«Барселона» матбуот хизматининг X ижтимоий тармоғида эълон қилинган хабарига кўра, Эспарт тахминан 2 ой ичида майдонга туша олмайди.
Бу муддат ҳимоячининг бир қатор учрашувларни ўтказиб юборишини англатади. Унинг майдонга қайтиши тикланиш жараёни қандай кечишига боғлиқ бўлади.
Маълумот ўрнида, Эспарт 2015 йилда каталонияликлар академиясига қўшилган ва 2026 йил март ойида асосий жамоа сафида дебют қилган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади