«Barselona» matbuot xizmati jamoa himoyachisi Xavi Espartning jarohati xususida ma’lumot berdi.
Ispaniya chempionati 10-turida «Real»ga qarshi kechgan uchrashuvda (1:2) o‘ng qanot himoyachisi to‘qnashuvdan keyin maydonni tark etgan. Espart 30-daqiqada almashtirilgandi.
Klub bayonotida tibbiy tekshiruvlar futbolchining o‘ng to‘piq bo‘g‘imi sindesmozi jarohatlanganini tasdiqlagani aytildi. Jarohat raqib jamoa futbolchisi bilan to‘qnashuv oqibatida yuzaga kelgan.
«Barselona» matbuot xizmatining X ijtimoiy tarmog‘ida e’lon qilingan xabariga ko‘ra, Espart taxminan 2 oy ichida maydonga tusha olmaydi.
Bu muddat himoyachining bir qator uchrashuvlarni o‘tkazib yuborishini anglatadi. Uning maydonga qaytishi tiklanish jarayoni qanday kechishiga bog‘liq bo‘ladi.
Ma’lumot o‘rnida, Espart 2015-yilda kataloniyaliklar akademiyasiga qo‘shilgan va 2026-yil mart oyida asosiy jamoa safida debyut qilgan.
Muxlislar bu yangilikni Telegram’da muhokama qilmoqda
Izohlar Telegram’da ochiladi