Британиялик журналист Пирс Морган «Арсенал» бош мураббийи Микел Артетани дунёнинг энг яхши мураббийи деб ҳисоблашини маълум қилди.
«The Athletic» Гвардиола кетганидан кейин Эмерини АПЛдаги энг яхши мураббий деб атадими? Бу сафсата. Эмери юқори савиядаги мутахассис, аммо Микел Артета ҳозир нафақат АПЛда, балки бутун дунёдаги энг яхши мураббий», — деб ёзди Морган ижтимоий тармоқдаги саҳифасида.
Қайд этиш лозим, айни пайтда кўплаб нашрлар ва мутахассислар Хосеп Гвардиола, Луис Энрике ва Ҳанс-Дитер Фликни энг кучли мураббийлар қаторига киритиб келаётган эди.
Эслатиб ўтамиз, ўтган мавсумда Артета бошчилигидаги «Арсенал» АПЛда чемпион бўлиб, Чемпионлар Лигаси финалига йўл олган эди. Ушбу мавсумда эса лондонликлар АПЛда 21 очко билан иккинчи ўринда бормоқда.
Аввалроқ Морган Роналдуни «барча даврларнинг «Олтин тўпи»га лойиқ деб ҳисоблашини айтиб ўтганди.
