Нидерландиялик мутахассис Кларенс Зеедорф Бразилиянинг «Коринтианс» клуби бош мураббийи сифатидаги фаолиятини мағлубият билан бошлади. Унинг жамоаси Бразилия чемпионатининг 32-турида «Васко да Гама»га қарши баҳс олиб бориб, 3:2 ҳисобида имкониятни бой берди.
Дарвоқе, «Коринтианс» август ойи бошидан бери ғалаба қозона олмаётган эди. Зеедорфнинг келиши ҳам жамоанинг ғалабсиз сериясига барҳам бера олмади.
Эслатиб ўтамиз, у яқинда жамоага бош мураббий сифатида тайинланганди. У аввал 2018 йил августидан 2019 йил июлигача Камерун миллий жамоаси бош мураббийи сифатида ишлаган. Шундан кейин у узоқ вақт давомида мураббийлик фаолиятида танаффус қилган.
