Франция миллий жамоаси ва Англиянинг «Манчестер Сити» клуби яримҳимоячиси Райан Шерки Европанинг икки топ-клуби қизиқишига сабабчи бўлган. Бу ҳақда инсайдер Экрем Конур ўзининг ижтимоий тармоқдаги саҳифаси орқали хабар бермоқда.
Мадрид «Реал» ва «ПСЖ» клуби франциялик футболчи билан шартнома имзолаши мумкин. Ўз навбатида «Манчестер Сити» Шерки билан хайрлашишни режалаштирмаяпти. «Шаҳарликлар» Райанни клубнинг спорт лойиҳасининг муҳим фигураси сифатида кўрмоқда.
Маълумот учун, 23 ёшли яримҳимоячи инглиз клуби сафида 2025 йил ёзидан буён тўп тепиб келади. Футболчининг амалдаги шартномаси 2030 йил июн ойигача мўлжалланган.
Машҳур Transfermarkt портали Шеркининг актуал трансфер нархини 110 миллион еврога баҳоламоқда.
