«Бавария» ҳужумчиси Ҳарри Кейн «Олтин тўп»ни қўлга киритганини оила аъзолари ва дўстлари билан Лондондаги клубда нишонлади. Daily Mail хабарига кўра, тадбирда футболчининг яқинлари ҳамда «Тоттенҳэм»даги собиқ жамоадошлари иштирок этган.
Базмга Кейннинг ота-онаси, акаси Чарли ва рафиқаси Кети ташриф буюрган. Шунингдек, унинг «Тоттенҳэм»да бирга ўйнаган собиқ жамоадошлари Эрик Дайер, Бен Девис ва Метт Доҳерти ҳам меҳмонлар орасида бўлган.
Нашр маълумотига кўра, Кейн спиртли ичимликларни меъёрида истеъмол қилган. Ҳужумчи шампанни оз миқдорда, қадаҳ ўрнига кичик рюмкадан ичиш билан чекланган.
Маълумот учун, Ҳарри Кейн фаолияти давомида «Тоттенҳэм» сафида тўп тепган, ҳозир эса «Бавария» шарафини ҳимоя қилмоқда.
