«Барса» — класикодаги мағлубиятга қарамай, Ла Лига ғолиблиги учун яққол фаворит (Opta)

«Реал»нинг «Барселона» устидан «Эл Класико»даги 2:1 ҳисобидаги ғалабаси Ла Лигадаги чемпионлик учун курашдаги вазиятга таъсир кўрсатмади, деб ҳисобламоқда Opta.

Суперкомпютер прогнозларига кўра, каталонияликлар чемпионлик учун курашда ҳамон яққол фаворит бўлиб қолмоқда. Флик жамоасининг чемпион бўлиш эҳтимоли 66,7 фоизга баҳоланмоқда.

Opta рейтингида «Реал» иккинчи ўринда. Мадридликларнинг чемпионликни қўлга киритиш эҳтимоли 24,2 фоизни ташкил этмоқда. Кейинги ўринларда «Атлетико» (8,4%) ва «Бетис» (0,6%) жойлашган. Қолган жамоаларнинг чемпион бўлиш эҳтимоли 0,1 фоиздан кам.

Ла Лига турнир жадвалида «Барселона» 27 очко билан пешқадамлик қилмоқда. «Атлетико» каталонияликлардан 2 очко, «Реал» эса 3 очко ортда қолмоқда.