«Барселона» ва «Реал» ўтган ёзда «Бавария» ҳужумчиси Ҳарри Кейнни ўз сафига қўшиб олишга уринган. Бу ҳақда таниқли инсайдер Фабрицио Романо маълум қилди.
Журналистнинг сўзларига кўра, Испаниянинг икки гранди мавсумолди тайёргарлигининг дастлабки босқичида англиялик футболчининг вакиллари билан боғланган. Бироқ томонлар ўртасида музокаралар бошланмаган.
«Бу сизни ҳайратга солиши мумкин, аммо ўтган ёзда сизни ишонтириб айтаманки, Испаниянинг топ-клублари — «Барселона» ва «Реал» Кейн билан боғланишган. Бу мавсумолди тайёргарлигининг дастлабки қисмида содир бўлган.
Жавоб ҳар сафар бир хил бўлган: «Раҳмат, аммо биз «Бавария» билан тузилган шартномамизга эътибор қаратганмиз». Ҳеч қандай музокара бўлмаган, чунки Кейн «Бавария»га содиқ қолишга қарор қилган», — деди Романо ўзининг YouTube каналидаги чиқишида.
Шундай қилиб, ҳар икки клубнинг қизиқишига қарамай, Кейн Мюнхен жамоасида қолишни маъқул кўрган. Футболчининг қарорида «Бавария» билан амалдаги шартномага содиқлик муҳим ўрин тутган.
Маълумот учун, Ҳарри Кейн 2023 йил ёзида «Тоттенҳэм»дан «Бавария»га ўтган. У 2026 йилги «Олтин тўп» соҳиби ҳисобланади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади