«Barselona» va «Real» o‘tgan yozda «Bavariya» hujumchisi Harri Keynni o‘z safiga qo‘shib olishga uringan. Bu haqda taniqli insayder Fabrisio Romano ma’lum qildi.
Jurnalistning so‘zlariga ko‘ra, Ispaniyaning ikki grandi mavsumoldi tayyorgarligining dastlabki bosqichida angliyalik futbolchining vakillari bilan bog‘langan. Biroq tomonlar o‘rtasida muzokaralar boshlanmagan.
«Bu sizni hayratga solishi mumkin, ammo o‘tgan yozda sizni ishontirib aytamanki, Ispaniyaning top-klublari — «Barselona» va «Real» Keyn bilan bog‘lanishgan. Bu mavsumoldi tayyorgarligining dastlabki qismida sodir bo‘lgan.
Javob har safar bir xil bo‘lgan: «Rahmat, ammo biz «Bavariya» bilan tuzilgan shartnomamizga e’tibor qaratganmiz». Hech qanday muzokara bo‘lmagan, chunki Keyn «Bavariya»ga sodiq qolishga qaror qilgan», — dedi Romano o‘zining YouTube kanalidagi chiqishida.
Shunday qilib, har ikki klubning qiziqishiga qaramay, Keyn Myunxen jamoasida qolishni ma’qul ko‘rgan. Futbolchining qarorida «Bavariya» bilan amaldagi shartnomaga sodiqlik muhim o‘rin tutgan.
Ma’lumot uchun, Harri Keyn 2023-yil yozida «Tottenhem»dan «Bavariya»ga o‘tgan. U 2026-yilgi «Oltin to‘p» sohibi hisoblanadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi