Чемпионлар лигаси умумий босқичининг 4-турида «Барселона» ўз майдонида «Астон Вилла»ни 3:0 ҳисобида мағлуб этди. Ушбу беллашув каталонияликлар ҳужумкор яримҳимоячиси Фермин Лопес учун клубнинг асосий жамоаси сафидаги 150-ўйин бўлди.
«Барселона» академияси тарбияланувчиси дебютидан буён барча мусобақаларда 150 та баҳсда қатнашиб, 38 та гол урди ва 35 та голли узатмани амалга оширди.
23 ёшли футболчининг каталонияликлар билан амалдаги шартномаси 2031 йилгача мўлжалланган. Transfermarkt портали унинг бозор қийматини 110 миллион еврога баҳоламоқда.
Маълумот учун, Лопес «Барселона» академияси тарбияланувчиси ҳисобланади ва асосий жамоага ўз меҳнати орқали кириб келган.
Эслатиб ўтамиз, «Барселона» навбатдаги баҳсини 8 ноябрь куни Ла Лига 12-тури доирасида сафарда «Атлетико»га қарши ўтказади. Беллашув Тошкент вақти билан 1:00 да бошланади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади