«Barselona» Chempionlar ligasi umumiy bosqichining 4-turida «Aston Villa»ni 3:0 hisobida mag‘lub etdi. Ushbu g‘alaba kataloniyaliklarning ingliz klublariga qarshi o‘z maydonidagi muvaffaqiyatli seriyasini davom ettirdi.
UEFA matbuot xizmatining xabar berishicha, «Barselona» Yevropa musobaqalari doirasida Angliya jamoalariga qarshi uyda ketma-ket 16 ta bahsdan buyon mag‘lubiyatga uchramayapti. Ushbu o‘yinlarning 11 tasida kataloniyaliklar g‘alaba qozongan, beshtasida durang qayd etilgan.
Umuman olganda, «Barselona» ingliz klublarini o‘z maydonida 39 marta qabul qilgan. Kataloniyaliklar atigi ikki bor mag‘lub bo‘lgan va har ikki safar «Liverpul»ga imkoniyatni boy bergan.
Ma’lumot uchun, «Aston Villa»ga qarshi bahsda Lamin Yamal hisobni ochdi, Rafinya esa dubl qayd etdi.
Eslatib o‘tamiz, «Barselona» ushbu g‘alaba orqali Chempionlar ligasi umumiy bosqichida to‘qqiz ochko jamg‘ardi.
Muxlislar bu yangilikni Telegram’da muhokama qilmoqda
Izohlar Telegram’da ochiladi