«Barselona» Chempionlar ligasi umumiy bosqichining 4-turida o‘z maydonida «Aston Villa»ni 3:0 hisobida mag‘lub etdi. Ushbu g‘alaba kataloniyaliklar uchun yana bir muhim natija bilan yodda qoldi.
UEFA matbuot xizmatining xabar berishicha, «Barselona» Yevropaning eng nufuzli klub turnirida ketma-ket 18 ta bahs davom etgan darvozasi daxlsizligini saqlay olmaslik seriyasini to‘xtatdi.
Kataloniyaliklar oxirgi marta 2025-yil aprel oyida Chempionlar ligasida gol o‘tkazib yubormagan edi. O‘shanda ular chorakfinal doirasida Dortmundning «Borussiya» jamoasini 4:0 hisobida mag‘lub etgan.
Ma’lumot uchun, «Barselona» — «Aston Villa» bahsida Lamin Yamal hisobni ochgan, Rafinya esa dubl qayd etgan.
Eslatib o‘tamiz, kataloniyaliklar Chempionlar ligasi umumiy bosqichining dastlabki to‘rt turida to‘qqiz ochko jamg‘arishga muvaffaq bo‘ldi.
