«Aston Villa» bosh murabbiyi Unai Emeri Chempionlar ligasi umumiy bosqichining 4-turida «Barselona»ga qarshi kechgan va 0:3 hisobidagi mag‘lubiyat bilan yakunlangan bahsni izohladi.
«Jamoamiz qanday shakllanayotgani 90 daqiqa davomida yaqqol ko‘rinadi. Tarkibimizda yosh va iqtidorli futbolchilar bilan birga tajribali o‘yinchilar ham bor. Bugun bir qator xatolarga yo‘l qo‘ydik. Ish jarayonida bunday kamchiliklarga avval ham duch kelganmiz, ammo har safar ularni yengib o‘tishga kuch topganmiz.
Bugun ham xatolarga qaramay, vaziyatlar yaratishda va yakkakurashlarga kirishishda davom etdik. Agar birinchi bo‘limda yuzaga kelgan imkoniyatlardan hech bo‘lmaganda bittasini golga aylantirganimizda, balki hammasi boshqacha kechardi. Biroq yakuniy pallada sovuqqonlik yetishmadi», — deya Emerining so‘zlarini keltiradi BBC Sport.
Ma’lumot uchun, «Barselona» safida Lamin Yamal va Rafinya (2 ta) gol urib, kataloniyaliklarga yirik g‘alaba keltirdi.
Eslatib o‘tamiz, «Aston Villa» Chempionlar ligasining keyingi turida Turkiyaning «Galatasaroy» klubiga qarshi maydonga tushadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi